Iseo vatn

Monte Isola eyjan liggur í Lago d'Iseo sem er sjöunda stærsta stöðuvatn Ítalíu og hið fjórða stærsta í Langbarðalandi. Vatnið var myndað af skriðjökli sem skreið niður dalinn Val Camonica — 90 km löng leið úr 1883 metra hæð niður úr Ölpunum. Í þessum dal er að finna hellaristur sem eru taldar um fimmtán þúsund ára gamlar.

Bæirnir við Iseovatn

Helstu bæir við Iseovatnið eru samnefndur bær, Sarnico, Lovere og Pisogne. Iseobærinn er sjarmerandi með gamla borgarmiðju — hjarta bæjarins er við Garibaldi torgið með göngugötur, verslanir, kaffihús og veitingastaði. Sarnico við suðurenda vatnsins státar af Villa Faccanoni frá 1912 í Art Nouveau stíl, eitt af bestu dæmum um þennan stíl á Ítalíu.

Monte Isola — stærsta byggða eyja Evrópu

Monte Isola er stærsta byggða eyja í stöðuvatni í Evrópu. Þar á efsta tindi í 600 metra hæð er grafreitur Madonnu della Ceriola. Bílaumferð er ekki leyfð — einungis strætó, reiðhjól og vespur. Ef hjólað er hringinn um eyjuna, sem er um 15 kílómetrar, er farið um svæði með ólífutrjám og skógum. Íbúar — um 1800 — lifa af fiskveiðum og ólífurækt.